Умард Солонгос зүүн эргээсээ ойрын тусгалын дөрөв дэх пуужингаа Япон улсыг чиглүүлэн харвалаа гэж өмнөд Солонгосын мэдээллийн агентлаг дамжууллаа. Пуужин Япон тэнгист унасан гэснээс өөр тодорхой зүйл мэдээлсэнгүй. БНАСАУ өчигдөр зүүн эргээсээ ийм ойрын тусгалын баллистик пуужин гурвыг  харвасан нь японы хилийн гадна унасан юм. Умард Солонгосын пуужин турших ажил ийн идэвхэжсэн нь Өмнөдийн талыг түгшээж байна. Өмнөд Солонгос энэ бүхнийг өдөөн хатгалга гэж үзэж байна. Өмнөд Солонгосын Хоёр солонгосыг нэгтгэх хэргийн яамны төлөөлөгч Ким Хен Сок “Умард Солонгос өчигдрийнх шигээ залуурт пуужин хөөргөж өдөөн хатгасан ажиллагаагаа зогсоохгүй байгаад харамсч байна” гэжээ.