Үйлдвэржилтийн эрин үед орчин цагийн үйлдвэрлэл хөгжлийн шинэ хэлбэр болох кластерын болон инновацын шийдэлтэй төсөл хөтөлбөрүүдийг шинээр боловсруулан гаргах шаардлага олон хүний толгойн өвчин болоод байгаа юм.
Харин энэ асуудлыг шийдэхээр “Анд патнерс” ХХК нэгэн шинэлэг ажил эхлүүлжээ. Уг компани нь суурь судалгаанд нь үндэслэж орчин үеийн шинэ, дэвшилтэт, техник технологийн дагуу өөрчлөн найруулж кластерын болон инновацын шийдэлтэй төсөл хөтөлбөрүүдийг төвөггүйхэн боловсруулахад аж ахуйн нэгжүүдэд туслахад бэлэн болоод байгаа аж.
Тус компанийн хувьд 2004 оноос эхлэн газар тариалан, мал аж ахуй, хөнгөн үйлдвэрийн чиглэлээр олон төрлийн судалгаа шинжилгээний ажил болон бизнес төлөвлөгөө, бизнес төсөл зэргийг боловсруулж байсан арвин туршлагадаа тулгуурлах гэнэ.