Нью-Йоркийн Bank of America-ийн салбарт нэг залуу орж ирээд цонх руу ойртон мөнгө хураагчид “Бүх мөнгөө өгөхгүй бол банкинд байгаа бүх хүнийг буудна” гэсэн бичиг харуулжээ. Буунаас, бас бичгээс үхтэл айсан мөнгө хураагч тусламж эрэн хашгирч эхэлсэн байна. Дээрэмчинд энэ нь таалагдсангүй, мөнгө  хураагч эмэгтэйд хашгирахаа больж шаардлагыг нь биелүүлж гэж хоёр ч удаа анхааруулжээ. Гэсэн ч айсан эмэгтэй улам чанга хашгирсан байна.
Дээрэмчин мөнгө хураагчийг дуугүй болгож чадахгүйгээ мэдсэн үү, мөнгө ч авсан юм байхгүй гарч зугтаажээ. Цагдаагийнхан төд удалгүй ирсэн ч дээрэмчний халуун мөрөөр орж олж чадалгүй, хяналтын камераас зургийг нь авч иргэдээс тусламж эрэхээр болсон байна.