“Сингапур Эйрлайнс”-ын Сингапураас Лондон чиглэлд нисч явсан онгоц замдаа агаарын урсгалд орж, хэт савласнаас онгоцонд эмх замбараагүй байдал үүсгээд авчээ. Зорчигчид  яг хоолоо идэж байхтай зэрэгцэн онгоцны савласан учир онгоцоор нэг хоол унд асгарчээ. Гэнэтийн сэгсрэлтэд бэлэн бус байсан зорчигчдоос 11 нь хөнгөхөн бэртсэн байна. Зорчигчдын ууж байсан кофе тааз руу хүртэл цацагдаж, шалаар нэг хоол унд асгарсан боловч энэ явдлын дараа онгоцны үйлчлэгчид гайхалтай хурдан бүхнийг цэвэрлэж, эмх цэгцэнд нь оруулжээ.

Уг нислэгээр зорчиж явсан хүмүүс “онгоц сэгсрэх үед яг л цахилгаан шат доошоо унаж байгаа мэт санагдсан” гэж ярьжээ.  Онгоцын Хитроу буудалд газардах үед эмч нар бэлэн байдалд ажиллаж, зорчигчдын биеийн байдлыг шалгажээ.
Дэлхийн дулаарлын нөлөөгөөр онгоц агаарын хүчтэй урсгалд орж, савлах явдал жил ирэх тусам нэмэгдсээр байгаа юм. 2050 он гэхэд онгоц савлаж сэгсрэх явдал 40-170 хувиар нэмэгдэнэ гэдгийг ч мэргэжилтнүүд тооцоолоод байгаа аж.