Өмнөд Африкийн Ерөнхийлөгч асан Нельсон Манделагийн бие тааруу, эмнэлэгт хэвтэн эмчлүүлж байна. Нас дээр гарсан Н.Мандела уушигны халдвар гэсэн оноштойгоор эмчлүүлж байгаа юм. Эмнэлгийн зүгээс хамгийн сүүлд өнгөрсөн бямба гаригт түүний биеийн байдлын талаар “ноцтой гэхдээ тогтвортой байна” гэсэн мэдээлэл хийснээс өөр ямар нэг мэдээлэл өгөөгүй байна. Өмнөд Африкчууд домог болсон экс Ерөнхийлөгчийнхөө амь нас бат бэх байгаасай хэмээн олноороо сүмд залбирцгааж байна. Вашингтон, Лондоноос ч Н.Манделагийн эрүүл мэндэд санаа зовж, урт удаан наслахыг хүссэн захидал илгээжээ.