Афганы талибууд тагнуул хийсэн хэмээн буруутгаж 10 настай хүүгийн толгойг авсан аймшигт хэрэг гарсан байна. Кандагар мужид идэх юм эрэн хогийн сав ухаж байсан жаал хүүг тэд барьжээ. Хүү өмнөхөн нь шалган нэвтрүүлэн цагийн дэргэдүүр өнгөрч, цагдаагийнхан ч түүнийг зүгээр оруулсан юм байна. Харин талибууд түүнийг цагдаагийнхны даалгавраар явж байна хэмээн сэжиглэж ийн цаазалжээ. Ядуу айлаас гаралтай тэр хүүг цагдаагийнхан хэзээнээс мэддэг хоол хүнсний үлдэгдлээ өгдөг байсан гэнэ. Ийм хүмүүнлэг биш үйлдлийн нь төлөө Кандагар мужийн эрх баригчид тэднийг буруутгаж байгаа ч талибчууд өөрсдийгөө буруутай гэж үзэхгүй байна. Өнгөрсөн онд талибууд бас 12 настай хүү, 7 настай охин хоёрыг цаазалсан хэрэг гарч байсан юм.
Хэдхэн хоногийн өмнө Сирийн босогчид 15 настай хүүг эцэг эх, төрөл төрөгсдийн нь нүдэн дээр нүүр лүү нь хоёр удаа буудан хороосон аймшигт хэрэг гарсан юм.