2009 онд Лондон хотноо болсон дэлхийн тэргүүлэх хөгжилтэй 20 гүрний удирдагчдын уулзалтын үеэр АНУ-ын Үндэсний аюулгүй байдлын агентлаг NSA, гадаадын төлөөлөгчдийн яриа хэлэлцээрийг нууцаар сонссон нь илэрч байна. Тэд бүр ОХУ-ын ерөнхийлөгч асан Дмитрий Медведевийн хиймэл дагуулаар утсаар ярьсныг нь сонссон гэнэ. Энэ тухай NSA  болон Тагнуулын төв газрын ажилтан асан Эдвард Сноудены талагнасан нууц баримтад тулгуурлан The Guardian мэдээлжээ. Энэ баримтуудын нэгд нь Умард Йоркшир гүнлэгт байдаг Menwith Hill баазад NSA-ийн мэргэжилтнүүд Медведев болон оросын төлөөлөгчдийн яриаг чагнасан гэж бичсэн байжээ.
Үүнээс гадна Британийн электрон аюулгүй байдлын агентлаг GCHQ-гийнхон ӨАБНУ, Туркийн төлөөлөгчдийн утасны яриа болон электрон шууданг чагнасан гэнэ. Эдний 45 ажилтан бүтэн хоногоор жижүүрлэн дээрх яриаг чагнан Засгийн газартаа дамжуулж байжээ.
Энэ ажиллагааг тухайн үеийн ерөнхий сайд Гордон Брауны өгсөн чиглэлээр дээд зэргийн өндөр түвшинд зохион байгуулж байсан гэж The Guardian бичсэн байна.