Эрчим хүчний салбарын чанарын удирдлагыг дэд бүтцийн хүрээнд хөгжүү­лэх ажилд манай улс герман­чуудтай хамтрахаар боллоо. ХБНГУ-аас Монголд суугаа Элчин сайдын орлогч К.Вэн­дел­бэргер ЭХЯ-ны Төрийн нарийн бичгийн дарга Д.Дэлгэрцогт нар дээрх ажлыг хэрэгжүүлэх гэрээг үзэглэжээ. Мөн төсөлд хамтрах Стандартчилал хэм­жил зүйн газрын дарга Т.Энх­тайван гарын үсэг зурах ёслолд оролцсон байна.
Дээрх төслийн хүрээнд эрчим хүчний хэмнэлт болон хэмжил зүйн лабораторуудын үйл ажиллагааг олон улсын шаардлагад нийцүүлэх бо­ломж бүрдэнэ. Түүнчлэн эр­чим хүчний үйлдвэрлэлд олон улсын болон Европын хол­боо­ны нийтлэг зарчим, хэм хэм­жээ, стандартыг нэвтрүүлэх ажил хэрэгжих ажээ. 2013 оны нэг­дүгээр сараас эхлэн “Эрчим хүчний салбарын чанарын дэд бүтцийг сайжруулахад дэмж­лэг үзүүлэх төсөл”-ийн уулзалт хийсэн байна. Мөн талууд гэрээнд тусгасан асууд­лын хүрээнд сургалт семинар зо­хион байгуулжээ. Урьд нь Монгол, Герман орны хооронд ашигт малтмалын тогтвортой менежмент, эрчим хүчний үр ашгийг дэмжихэд хамтран ажиллахаар Засгийн газрын төвшинд хэлэлцэн тохирсон удаатай. Төслийн үйл ажиллагаа тун удахгүй үр дүнд хүрэх юм.