АНУ-ын Ерөнхийлөгч Барак Обамагийн бага охин Саша Обама ижил хүйстнүүдийн гэрлэлтийг дэмжиж буйгаа илэрхийлж, тэдний бэлгэдэл болсон солонгын алаг өнгөтэй цүнх барьдаг болжээ. Ижил хүйстнүүдийн гэрлэлтийг хууль ёсны болгохын төлөө тэмцдэг идэвхтнүүд солонгын өнгөтэй туг далбаатай байдаг юм.

Ерөнхийлөгч Б.Обама бол тэдний хамгийн хүчтэй дэмжигч. Түүний гэр бүлийнхэн ч ижил хүйстэн хүмүүс бэлгийн чиг хандлагаасаа үл хамааран гэр бүлийн амьдрал зохиож, бусдын адил амьдрах эрхтэй гэж үздэг. Хэдий түүний бага охин ердөө 12 настай ч эцэг эх, гэр бүлийнхээ нөлөөгөөр энэ талаарх байр сууриа ч бас нийтэд илэрхийлэх хэрэгтэй үздэг бололтой.

Ерөнхийлөгч Обама Африкийн гурван оронд албан ёсны айлчлал хийхээр Вашингтоноос мордоод байгаа юм. Тэрээр Өмнөд Африк, Сенегал, Танзанид айлчлал хийхдээ эхнэр хүүхдүүд болон хадам ээж, мөн бас нэг зээ гээд өргөн бүрэлдэхүүнтэйгээр айлчлал хийх нь. Бараг 100 сая ам.доллар шахаж байгаа энэ айлчлалын зардлыг тойрсон шүүмжлэл их байгаа юм.