Хятадын Ганьсу мужид болсон газар хөдлөлийн улмаас 47 хүн нас барж, 296 хүн бэртэж гэмтээд байна. Өнгөрсөн шөнийн 03,45 цагт болсон 6,6 магнитудын хүчтэй газар хөдлөлөөр нас барсан хүнийг өглөө гурав гэж мэдээлж байсан юм.
Эхний чичирхийллээс хойш хоёр цаг өнгөрөөд дахин 5,6 магинтудын хүчтэй чичирхийлэл мэдрэгдсэн байна. Чичирхийлэл минут хэртэй үргэлжилж олон арван барилга байшин нуржээ. Одоо тэр орчмын суурин газруудад холбоо, эрчим хүч тасарч, усгүй болсон байна.
Хятадын эрх баригчид нэрвэгдэгсдэд туслах яаралтай ажил зохион байгуулж гамшгийн бүс рүү цэргийн албан хаагч, цагдаа, ардын нөхөрлөлийн гишүүдийг илгээн нурангийг цэвэрлэх ажил хийлгэж эхэлжээ. Нэрвэгдэгсэд, орон гэргүй болсон хүмүүст туслах, халамжлах эмч нарын баг, 500 майхан, 2000 дулаан хөнжил илгээгээд байна гэж ИТАР-ТАСС агентлаг мэдээллээ.