ОХУ-ын Красноярскийн хязгаарын нэгэн мэс заслын эмч хар тамхичин өвчтөнийхөө залгиж гэдсэндээ нуусан байсан героиноос нэг хэсгийг нь хулгайлсан нь илэрсэн байна. “Хар тамхиа залгиж гэдсэндээ нуусан нэгэн эрэгтэйд хотын эмнэлэгт мэс засал хийлгэсэн юм. Гэтэл хар тамхиа нуусан боодлыг нь олж авахад эмч нь түүнээс нэг хэсгийг нь авсан болох нь илэрсэн” гэж бүсийн Дотоодын хамгаалах газрын мэдээлэлд дурдсан байна.  Хууль хяналтынхан эмчийн биед үзлэг хийтэл таван грамм героиныг хувцсандаа нуусан байжээ. Үүнээс гадна тэр үед эмч бас мансуурсан байсныг тогтоосон байна. Одоо үүнийх нь төлөө эмчид эрүүгийн хэрэг үүсгээд шалгаж байгаа юм байна. Түүнд “их хэмжээний мансууруулах бодис хууль бусаар олж авсан, хадгалсан” гэсэн зүйл ангиар хэрэг үүсгэхэд 15 хүртэлх жилийн ял авах юм байна.