Германий өмнөд нутгийн Баден-Вюртемберг дэх Хайдельбергээс холгүй орших Доссенхайм хотын нэгэн зоогийн газарт болж байсан үл хөдлөх хөрөнгө эзэмшигчдийн холбооны уулзалтын үеэр маргалдсаны улмаас нэг нь гал нээж хоёр хүний амь бүрэлгээд өөрийнхөө амийг егүүтгэсэн байна. Хүмүүс маргалдаж, муудалцахад нэг нь гараад орж ирэхдээ зэвсгээ авчирч буудаж  эхэлжээ. Амь үрэгдэгсдээс гадна таван хүн шархдаж эмнэлэгт хүргэгдсэний нэгийнх нь бие хүнд байгаа юм байна.
Чухам юунаас бол маргаан гарсан талаар болон амь үргэдсэн хүмүүсийн нэрийг мэдээлээгүй байна. Цуглаанд оролцож аймшигт хэргийн гэрч болсон хүмүүс шокт орчихоод байгаагаас хуулийнхан одоогоор тэднийг байцааж эхлээгүй гэжээ.