Зэсийн үнэ өнгөрсөн долоо хоногт харьцангуй тогтвортой байлаа гэж хэлж  болохоор байна. Хамгийн сүүлийн буюу пүрэв гарагийн үнэлгээгээр дэлхийн зах зээлд нэг паунд зэс 3,33 ам.долларын ханштай хаагдлаа. Хэдий тийм боловч энэ нь сарын дүнгээр авч үзвэл өсөлттэй дүн юм. Долдугаар сарын туршид зэсийн үнэ нэлээд тогтвортой байж, дээд тал нь 3,2 ам.доллар хүрч байсан юм. Үүнтэй харьцуулахад наймдугаар сард харьцангуй өндөр дүнтэй гарч байна. Харин жилийн хамгийн дээд үнэ 3,81 ам.доллар бөгөөд доод үнэ нь 3,01 ам.доллар байжээ.