Хятадын нэгэн фермийн жоомуудыг хэн нэгэн тавьж явуулсан тухай гомдол орон нутгийн цагдаад иржээ. Цзянсу мужийн Дафэн хотын фермер эр ардын уламжлалт эмчилгээнд хэрэглэхээр тусгайлан жоомны аж ахуй эрхэлдэг байсан аж. Гэвч жоомных нь үүр болсон хуванцар савыг хэн нэгэн онгойлгож орхисноос ийнхүү дампуурахад хүрсэн гэнэ. Орон нутгийн удирдлагын зүгээс эрүүл ахуйн шаардлагын үүднээс “зугатсан” амьтдыг яаралтай устгах даалгавар өгчээ. Харин фермер эр үүнд хамгийн ихээр дургүйцэж буй юм. Учир нь тэрээр  жоомны Periplaneta Americana төрлийн 102 өндгийг худалдаж авахад 16 мянган ам.доллар зарцуулсан гэнэ. Жоомнуудаа жигнэмэг, жимсээр тэжээдэг байсан аж. Жоом бол дэлхийн аль улсад тархсан амьтан хэдий ч эрүүл ахуйн зүгээс аль болох устгахыг зөвлөдөг. Гэтэл Хятадын уламжлалт анагаах ухаанд энэ амьтныг аливаа өвчнийг эмчлэх тэр тусмаа хавдрын эмчилгээнд сайн хэмээн үздэг. Periplaneta Americana төрлийн жоом нь шөнийн амьдралтай, бүх л төрлийн бүтээгдэхүүнээр хооллодог хэдий ч жимсэнд дуртай гэнэ.