Хятадын эрх баригчид  “Шинэ иргэдийн хөдөлгөөн” нэртэй интернэт хөдөлгөөнийг үүсгэн байгуулсан блогчин Сюй Жүнийг баривчилжээ. Сюй нь албан тушаалтнуудыг ашиг орлогынхоо мэдүүлгийг олон нийтэд ил зарлаж байхыг шаардаж байсан юм. Түүнийг олон нийтийн хэв журмыг зөрчсөн гэж буруутган баривчилжээ. Ингэснээр Хятадын коммунист намыг шүүмжлэн олон нийтийн өмнө нэр хүндийг нь унагаж байгаа блогчдыг сүрдүүлэх зорилготой гэнэ. Хятадын коммунист намын төв хэвлэл “Жэньмин Жибао” сонин нь интернэтээр гарч байгаа бүх онлайн болон оффлайн нийтлэл, сэтгэгдэл нь Хятадын үндэсний ашиг сонирхол, социалист бүтээн байгуулалтад нийцсэн байх ёстой гэдгийг онцолсон байна.