Телевизийн NBS  суваг өндөр албаны хүний мэдээллийг иш болгон Сирид довтлох дайн пүрэв гарагт эхэлнэ гэжээ. Телевийзийн сувгийн мэдээлснээр энэ дайн тун удахгүй ердөө гурав хоног үргэлжилнэ гэнэ. АНУ-ын цэргийнхний мэдэгдэж байгаагаар бол энэ довтолгооны гол зорилго нь Сирийн ерөнхийлөгч Башар Асадын дэглэм энгийн ард иргэдийнхээ өөдөөс химийн зэвсэг ашиглаж байгааг таслан зогсоох, энэ дэглэмийг унагаах зорилготой гэж энэ телевиз мэдээлжээ. Телевизийн суваг энэ цохилтын гол байг Сирийн команд удирдлагын бункер, нисэх буудал, их бууны гол гол байрлалууд гэсэн байна. Пүрэв гараг гэхэд британийн парламентын доод танхимын гишүүд амралтаасаа эргэн ирж Ерөнхий сайд Дэвид Камерон сирийн эсрэг байлдааны ажиллагааныхаа төлөвлөгөөг танилцуулах юм байна.
Үүний өмнө Их Британийн гадаад хэргийн сайд Уильям Хейг Их Британи улс Сирийн асуудлаар НҮБ-ын Аюулгүйн зөвлөлийн шийдвэрийг харгалзахгүйгээр байлдааны ажиллагаа эхэлнэ  гэж мэдэгдсэн юм. Одоохондоо АНУ-ын ерөнхийлөгч Барак Обама Сирид байлданы ажиллагаа явуулах талаар конгресоос дэмжлэг авсан эсэх нь тодорхойгүй байна. Цэргийнхэн ч ерөнхийлөгчийн шийдвэрийг л хүлээж байгаа гэж байгаа юм.
Юутай ч АНУ тэргүүтэй барууны орнууд Сирид, Башар Асадын дэглэмийг унагахын тулд хоёр жилийн турш зэвсэг барин тэмцэж байгаа босогчдын тэмцлийг дэмжиж, засгийн газар химинй зэсвсэг хэрэглэсэн гэсэн шалтгаар далимдуулан энэ улсад цэргийн ажиллагаа явуулж эхлэхээр шийдвэрлэж.