Дэлхий нийтийн анхаарлын төвд буй “дайн”-д ямар төлөвлөгөөгөөр ажиллахаа Б.Обама өнгөрөгч Бямба гарагт мэдэгдсэн нь олон хүнийг гайхшралд оруулаад байна. Тэрээр “Цаг хугацаа алдах нь сайн зүйл биш гэдгийг бидний хэн хэн нь мэдэж байгаа ч цэргийн хүчээ ашиглах талаар Конгрессийн шийдвэр зайлшгүй мөрдөх ёстой” гэв. Түүний энэ шийдвэрийг зарим гишүүд сайшааж байгаагаа илэрхийлж ийм хурцадмал үед яарах шаардлага байхгүй гэж үзэж байхад  нөгөө талд дайн эсэргүүцэгчдийн жагсаал хаа сайгүй өрнөж байна.Тухайлбал “Pershing” талбайд “Answers LA”, “Arab Americans for Syria” гэх зэрэг хэд хэдэн хөдөлгөөнөөс бүрдсэн эсэргүүцэгчид өнгөрсөн Бямба гарагт 100 гаруй хүн үзэл бодлоо илэрхийлж жагсчээ. Түүгээр зогсохгүй “Цагаан ордон”-ы өмнө их хэмжээний эсэргүүцэгчид цугларч “Бид тайван амьдармаар байна”, “Сириг тайван орхи”, “Бид тоглоом биш шүү дээ” гэх зэраг хурц хурц үгтэй лоозонг барьжээ. Ямартай ч ноён Б.Обама энэ мэдэгдлээрээ эргэлзэж буйгаа нотоллоо.