“Барилга орон сууц-2013” үзэсгэлэн яармаг энэ сарын 6-8 өдрүүдэд Мишээл экспо төвд болох гэж байна. Үзэсгэлэнгийн зорилго нь хүн ам өсөхийн хэрээр байр, орон сууцны эрэлт хэрэгцээ их байгаа энэ үед барилгын үнэ, ханшийг тодорхойлох зорилготой гэж зохион байгуулагчид нь өнөөдөр хэвлэлийнхэнд хандах үеэрээ хэлсэн юм. Энэ үзэсгэлэнгийн үеэр ипотекийн зээлийн хөтөлбөрт хамрагдсан арилжааны банкуудыг урьж оролцуулан иргэдэд орон сууц, үл хөдлөх хөрөнгийн зээл, лизингийн үйлчилгээг үзүүлэхээр юм байна.
“Барилга Орон сууц-2013” үзэсгэлэнгээс Улаанбаатар хотод баригдаж буй, ашиглалтанд орсон шинэ орон сууцнуудын талаарх дэлгэрэнгүй танилцуулга, Гэр хорооллын дахин төлөвлөлтийн төсөл хөтөлбөрийн тухай болон барилгын материал, дэвшилтэт технологийн талаарх цогц мэдээллийг авах боломжтой гэнэ.
Тэрчлэн үзэсгэлэнд оролцогч компаниуд барилга, барилгын материал, бараа бүтээгдэхүүнээ олон нийтэд танилцуулж, шинэ орон сууцандаа хямдрал зарлаж, сугалаат худалдаа зэргийг явуулах юм байна.