ҮХААЯ-наас ойрын өдрүүдэд цаг агаар эрс хүйтэрч, хөрсөн дээр цочир хүйтрэхийг малчид тариаланчдад анхаарууллаа. Тиймээс ургац хураалтын ажлыг түргэвчилж, төмс хүнсний ногоо хураах ажлыг шуурхайлахыг санууллаа. Улсын хэмжээнд төмс хүнсний ногоо хураах ажил 11.3 хувьтай, үр тариа хураах ажил 0.4 хувьтай байгаа нь салбарын яамныхныг сандрал оруулж байгаа гэнэ. Мөн энэ жил хур их байсан болохоор хадлан тэжээл бэлтгэх ажилч хоцорч, боосон өвсийг 80 хувийн чийгтэй бэлтгэж байгаа нь амархан ялзарч муудах магадлалтай байгаа учир сайтар хатааж 20 хувийн чийгтэй байлгахыг хадлан тэжээл бэлтгэж байгаа аж ахуйн нэгжүүдэд анхааруулж байгаа гэнэ.
Мөн энэ жил ургац хараалтын ажилд дайчлуулах хүсэлтийн дагуу Төв аймаг 835, Сэлэнгэ аймаг 790 цэргийн албан хаагчийн захиалга өгчээ. Үүнээс гадна Булган аймаг 100, Дархан-Уул аймаг 150, Сэлэнгэ аймагт 222 оюутан авахаар захиалга ирүүлснийг ҮХААЯ-наас холбогдох байгууллагуудад хүргүүлсэн байна.