“1980-аад он” бол дэлхийн технологийн салбарын акул “Аpple” корпорацийн их шинэчлэлийн он жилүүд  байсан. Стив Жобсын ажлын саналыг хүлээн авч өнөөдрийн их амжилтын суурийг тавьсан  хүн бол Герман-Америк гаралтай дизайнер Хартмут Эслингер юм. Түүнийг шинэ зүйлийг эрмэлзэгч, цоо шинэ шийдэлд дуртай хүмүүс “frog” корпорацийн үндэслэгч гэдгээр нь сайн мэднэ. Тэрээр энэ долоо хоногийн эхээр “Quarts”  сэтгүүлд өгсөн ярилцдагадаа “Одоогийн Apple-н зохион бүтээгчид хэтэрхий төгс зүйлийн араас хөөцөлдөөд байх шиг. Юу гэхээр iPhone 5C, 5S гээд л бага бага өөрчлөлт хийгээд л байгаа нь огтхон ч сэтгэлд хүрэхгүй юм. Тэд аль хэдийн ухаалаг гар утасны дээд амжилтыг тогтоочихсон шүү дээ. Тиймээс одоо арай өөр зүйлд анхаарлаа хандуулах цаг нь болсон” гэв. Тэрээр 1982 онд “Apple” –д ажилаж эхлээд 100 гаруй бүтээгдэхүүний санаа гаргаж, өнөөдрийн “Мак”  компьютерийн анхны загварыг гаргаж байсан. Түүний бодлоор өнөөгийн “Apple” –н дизайнеруудад Стивийн зоригтой зан үнэхээр дутагдаж байгааг дурьдаад түүнийг үнэхээр шийдлээ олсон л бол ирээдүйд урган гарч ирэх элдэв шүүмжлэлээс айдаггүй байсан талаар дурссан байна.