Грекийн Ерөнхий сайд Антонис Самарас эдийн засгийн хямралд автсан улс орноо зургаан жилийн дараа гэхэд бүрэн сэхээ авна гэж амлаж байна. Тэрээр хэлэхдээ Грек хямралаас гарахад “Ихэнх шинжээчдийн хэлээд байгаа шиг бидэнд 20 жил биш, хоёр үе биш, ердөө зургаан жил л хэрэгтэй” гэсэн юм. Гэхдээ түүний үгс грекчүүдийг тайвшруулж, урам зориг өгч чадсангүй. Тус улсын багш, эмч нар нь ээлж дараалан ажил хаяж, зардал төсвийг нь танаж, эмнэлгүүдийг хооронд нь нэгтгэж байгааг эсэргүүцэж байна.
Грекийн эдийн засаг 2008 оноос хойш 23 хувиар агшиж, Европын холбооноос нийтдээ 240 тэрбум еврогийн зээл аваад байгаа бөгөөд дахин 10 тэрбум евро шаардлагатай болоод байгаа гэнэ.