/Бредлей нохой эзний хамт/
     
Өнгөрөгч амралтын өдөр Жонн Форс гэх эр найзуудын хамтаар өөрийн амьдардаг байшингийн ойролцоох ой модонд явж байгаад бамбаруушаа дагуулсан аварга баавгайтай тааралдаж тааварлашгүй байдалд оржээ. Гэнэт олон дайсан харсан баавгай Жонны найз руу ухасхийх үед түүний нохой Бредлей баавгайны нүүр лүү үсрэн дайрсан хачирхалтай явдал АНУ-ын Мичиган мужийн Оскада жижиг хотод боллоо.

Ойролцоогоор 180 кг жинтэй баавгайны өөдөөс 3кг хүрэх үгүйтэй бяцхан нохой эзнээ хамгаалахын тулд дайрсан нь Жонн болоод тэр хавийн бүхий л хүмүүсийг цочролд оруулсан юм. Хэдийгээр Форс болон түүний найзуудаас хэн ч бэртээгүй ч баавгайнаас авсан Бредлигийн шарх хэтэрхий хүнд байсан учраас хэрэг болсноос 2 цаг гаруйн дараа харамсалтайгаар нас баржээ. Жонн болон түүний эхнэр Лиза Форс нар энэ явдалд маш гашуудсан ч түүнийг сайн газар байгаа гэж сүсэглэн удахгүй түүний дурсгалд зориулан хөшөө босгож эсвэл гудамжны нохойг асран халамжилдаг газартай болох талаар Dailymail.co.uk цахим хуудас мэдээлж байна.