Монголбанк инфляцийн түвшинг нэг оронтой тоонд оруулах зорилт тавьж ажиллаж ирсэн. Үүний үр дүнд хоёр оронтой байсан инфляцийг 9.4 хувь болгоод байгаа билээ. Тэгвэл үүнийг ирэх онд найман хувьд хүргэх зорилго тавиад байгааг Монголбакны ерөнхийлөгч Н.Золжаргал хэлж байна. Мөнгөний бодлогоор дамжуулж эдийн засгийн дархлааг сайжруулах, макро эдийн засгийн тогтвортой байдлыг бэхжүүлж, мөнгөний бодлогын хүрээнд иргэдийнхээ бодит орлогыг хамгаалах, эдийн засагт байгаа ажлын байрыг хадгалах зорилгоор инфляцийг ийн барих шаардлагатай байгаа гэв. Харин дунд хугацааны буюу 2015-2016 оны зорилтоор инфляцийг долоон хувиас хэтрүүлэхгүй байх гэнэ. Инфляци дунд хугацаандаа 7-8 хувийн түвшинд байна гэв.