Сирийн босогчдын эгнээнд байлдаж байгаа мэргэн буучид бай болгон сонгосон энгийн иргэдийн биеийн зөвхөн аль нэг хэсэгт нь онож зугаацдаг болсон тухай Британийн эмч Дэвид Нот зурагтаар ярилцлага өгөхдөө мэдэгджээ. Тэрээр “Нэг өдөр бидэн дээр сав руугаа буудуулсан эмэгтэй авчирсан. Бид савнаас нь найман сум гаргаж авсан. Энэ бол мэргэн бууч санаатайгаар эхийн хэвлийд байгаа хүүхдийг онох гэж буудсан гэсэн үг юм. Маргааш нь цээжний зөвхөн баруун талдаа шархтай, нөгөөдөр нь зөвхөн зүүн талдаа шархтай хүмүүсийг эмнэлэгт авчирсан. Энэ бол босогчдын мэргэн буучид нь хүний амиар тоглож байгаан тод гэрчилж байна” гэжээ.  Цаашлаад “Мэргэн буучид хүүхэд, эмэгтэйчүүд гэх мэт энгийн иргэдийн цавь, гэдэс, цээж рүү нь гол төлөв буудаж байгаа бөгөөд ховорхон тохиолдолд толгой руу нь онож шууд буудаж байна. Тэгэхээр тэд бай болгон сонгож авсан хүнээ анхнаасаа л удаан тарчлаах санаатай  гэсэн үг” гэжээ. “The Daily Mail” сонины мэдээлснээр босогчдын мэргэн буучид нь оносон хүн болгоныхоо тоогоор хайрцаг тамхиар шагнуулдаг юм байна.