Казахстаны Алма-Ата хотод өнгөрсөн шөнө суудлын хоёр машин мөргөлдөж осол гаргасны нэг нь Монголд бүртгэлтэй, монголын дугаартай тэрэг байжээ. Монголын 89-32 УНС улсын дугаартай машиныг хэн гэдэг хүн жолоодож явсан тухай мэдээлээгүй байна. Daewoo маркийн такси гэрлэн дохиогоор уулзвар дээр зогсч байхад монгол дугаартай Hyundai машин хажуугаас нь ирж мөргөсөн гэж таксинд сууж явсан зорчигч мэдүүлсэн байна. Ослын улмаас таксины жолооч бэртжээ. Хэргийг замын цагдаагийнхан шалгаж эхэлсэн байна.