Хил дээр болсон тулалдааны үеэр 17 хилчин амь алдсаны төлөө Ираны засаг захиргаа 16 босогчийг бөөнөөр нь цаазалсан байна. Систан-Белужистаны хэлснээр бол энэ хүмүүс зэвсэгт бүлэглэлийнхэнтэй холбоотой байж, засгийн газрын эсрэг дайсагнасан үйл ажиллагаанд оролцсон гэнэ. Хэргийг бямба гарагт хилчид амь үрэгдсэн зүүн хойд нутгийн Захедан хотод шүүж, ялыг тэнд нь гүйцэтгэсэн байна. Зарим эх сурвалжийн мэдээгээр тэднийг өөр бусад хэргийн төлөөнөө аль хэдийнээ цаазаар авах ялаар шийтгэсэн байгаад сая гүйцэтгэж байгаа гэсэн байна. Сараван хотын депутат Хедаятолла Мирморазехи хилчид рүү халдсан үйл явдлыг “хувьсгалын эсрэг бүлэглэлийн үйлдэл” гэжээ.