1979 онд Иранд болсон лалын хувьсгалын үеэр оюутнууд Тегеран дахь Америкийн Элчин сайдын яамыг дайран эзэлж, ажилтнуудыг нь жил гаруй барьцаалсан хэргийн 34 жилийн ой болох гэж байна. Иран дахь Америкийг үзэн ядагч хэт барууны үзэлтнүүд энэ үйл явдлыг тохиолдуулан “Америк сөнөтүгэй” нэртэй уралдаан зарласан байна. Энэ уралдаанд зурагчин, зураачид, блогчид, яруу найрагчид оролцох болох гэнэ. Оролцогчид нь “Америкийг яагаад үзэн ядах ёстой вэ?”, “Яагаад АНУ-д итгэж болохгүй вэ?”, “АНУ ба дэлхийг бүрхсэн сионист сүлжээ” гэх мэт сэдвээр бүтээл туурвин уралдах юм байна. Америкийг хамгийн онцлог, гойд байдлаар үзэн ядсан хүнийг дөрвөн мянган ам.доллараар урамшуулах аж.
Ираны шинээр сонгогдсон Ерөнхийлөгч Хасан Руханийг цөмийн эрчим хүчний тал дээр буулт хийж, Америк, Европтой дотно харьцаа үүсгэж байгаад хэт явцуу үзэлтнүүд ихээр бухимдан эсэргүүцлээ ийм өвөрмөц байдлаар илэрхийлж буй аж.