Канадын Торонто хотын дарга Роб Фордын кокайн татаж байгааг харуулсан бичлэг хууль хяналтын байгууллагад хүрснээс суудлаасаа огцрох шаардлагатай нүүр тулгараад байна. Хараахан олон нийтэд хүрээгүй ч цагдаагийн байгууллага, хэвлэлийн мэдээллийн хэрэгслүүдийн олж үзсэн уг бичлэгээр хотын дарга хар тамхи хэрэглэж байгаа нь гарцаагүй нотлогдсон ч тэрээр өөрийгөө буруутай гэж үзэхгүй байна. Торонтогийн дөрвөн ч сонин хотын даргыг огцрох хэрэгтэй хэмээн шаардаж, хууль хяналтын байгууллагаас түүнийг шалгаж эхэлсэн ч Роб Форд “Би тухайн үед бага зэрэг уусан уу гэвэл үнэн. Гэхдээ энэ бол огцрох шалтгаан биш. Би өөрийгөө хянаж чадна. Би хар тамхинд донтогч биш” хэмээн өөрийгөө өмгөөлжээ. Гэхдээ тэрээр энэ мэдэгдлээс хэдхэн цагийн дараа радиод өгсөн ярилцлагадаа хотынхоо иргэдээс уучлал хүсч, алдаагаа ухамсарлаж байна хэмээн хэлээд суудлаасаа огцрох бодолгүй байгаагаа, тэр ч бүү хэл ирэх жилийн сонгуульд дахин өрсөлдөнө гэдгээ мэдэгдсэн байна.