Сирийн сөрөг хүчний болон хувьсгалт хүчний Үндэсний эвслийнхэн “Женев-2” энхийн бага хуралд оролцоход бэлэн байна гэдгээ даваа гарагт Туркийн Стамбул хотноо болсон ерөнхий ассамблейн хуралдааны төгсгөлд мэдэгдсэн байна. Мэдэгдэлд “Сирийн засгийн эрхийг шилжилтийн үеийн удирдах байгууллагад шилжүүлэн өгөх асуудал хэлэлцэх  Женевийн бага хуралд эвсэл оролцоход бэлэн байгааг Ерөнхий ассамблей илэрхийлж байна” гэж тэмдэглэжээ. Мөн шилжилтийн үеийн удирдах байгууллага нь ерөнхийлөгчийг оруулаад гүйцэтгэх засаглалын бүхий л эрх мэдлийг хэрэгжүүлж хүчний болоод цэргийн бүхий л байгууллагад хяналт тавих болно” гэсэн байна.
Харин сөрөг хүчний эвсэл “Башар Асадын дэглэм ирээдүйн Сирийн хувь заяаны асуудлаар шилжилтийн үед ямар ч үүрэг гүйцэтгэх эрхгүй” гэснээ тэмдэглэжээ. Тэд бас Женевийн бага хурал хүртэлх хугацаанд улс орны тодорхой бүсүүдэд Улаан загалмай, Улаан хавирган сар нийгэмлэгийн хүмүүнлэгийн ачааг чөлөөтэй нэвтрүүлж, хүүхэд эмэгтэйчүүд, хоригдлуудыг суллах ёстой” гэсэн шаардлага тавьж байгаагаа мэдэгдсэн аж.