Их Британийн нэгэн хос сугалаагаар 101 сая фунт хожсоныхоо дараа салсан тухай “Daily Mail” сонин мэдээлжээ. Их Британийн түүхэнд сугалаагаар хожсон хамгийн том хожлын дөрөвдүгээрт орох 101 сая фунтыг хожсоны дараа Дейв ба Анжела Доуз хоёр хамгийн баян 1000 хүний жагсаалтын 702 дугаарт оржээ. Хуримаа ч хийх мөнгөгүй байсан азтай хос хожлынхоо дараа шууд гэрлэлтээ албан ёсоор баталж. Дараа нь есөн сая фунтээр хувийн харш гэх мэт хамгийн тансаг эд зүйлс, машин худалдан авч нэг хэсэгтээ л “үүлэн дээгүүр” явжээ. Хэсэг жаргаад ядуу байхад нь тусламж үзүүлсэн 20 хүний жагсаалт гаргаснаар хамаг асуудал эхэлсэн гэнэ. Жагсаалтад орсон энэ олон хүний хэнд нь хэдийг өгөх тухайд хосууд хоорондоо байнга маргалдаж эхэлсэн бөгөөд удалгүй зөрчлөө давж дийлэхгүйд тулж салахаар шийдсэн нь энэ аж.
Тэдний нэг найз нь “Хамаг хэрэг мөнгөнд байгаа юм. Тэд хэдийг хэдийд үрэх талаар байнга хэрэлддэг болсон. Мөнгөний хэмжээ хэтрээд үрэх арга нь олдоод ирэхээрээ хамаг муу муухайн үүр болох юм” гэжээ.
Энэ хэргээс хэдхэн хоногийн өмнө нэг нь 148 сая фунт хожсоны дараа салсан гэр бүлийн тухай мэдээ Британи даяар дуулиан тариад байсан юм.