Иракийн нийслэл Багдадын сунна урсгалыг дагагчид гол төлөв амьдардаг хэсэгт архи зардаг хэд хэдэн дэлгүүрүүд рүү зэвсэглэн этгээдүүд дайрч гал нээсэн байна. Үүнээс болж дэлгүүрээр үйлчлүүлж байсан есөн хүн амиа алджээ. Тэд бүгд Иракийн үндэсний цөөнх болох курд үндэстнүүд байжээ. Одоогоор дайралтын хариуцлагыг хүүлэсэн байгууллага гарч ирээгүй байна. Урьд нь согтууруулах ундаа зардаг дэлгүүр, шашин ба үндэсний цөөнхийн ажиллуулдаг худалдааны цэгүүд рүү лалын хэт явцуу үзэлтнүүдийн бүлэглэл цөөнгүй удаа дайрч байсан юм. Лалын шашны дэг жаягийн дагуу бүх төрлийн согтууруулах ундаа хэрэглэхийг цээрлэдэг.