Нуруу эрүүл байх гол үндэс нь цэх шулуун суух гэдэг. Гэхдээ байнгын суугаа ажил хийдэг оффисын ажилтнуудын хувьд цэх суух нь тийм ч сайн биш гэнэ. Шотланд, Канандын судлаачид хамтран МRI  аппаратны тусламжтай судалгаа хийж үзэхэд удаан хугацаагаар цэх суух нь нуруунд хиймлээр ачаалал нэмдэг болохыг олж мэджээ. Энэ судалгааны дүнд тэд суух хамгийн тохиромжтой байрлал бол цэх ч биш, урагшаа тонгойх ч биш харин арагшаа үл ялиг налж суух хэмээн тогтоожээ. Түшлэгтэй сандалд арагшаа 135 хэм налуу суух нь нурууг ядраахгүй, ачаалал өгөхгүй гэж судлаачид зөвлөж байна. Өдгөө хүн амын цөөнгүй хувь нь суудлын ажил хийж, өдөрт бараг 8-10 цаг суудал дээрээ өнжиж, зарим хэсэг нь бүр цайны цагаараа ч гарахаа больсон учраас зөв суух гэдэг эрүүл байхын нэг үндэс болоод байна. Өнөөдөр хөгжингүй орнуудад гурван хүн тутмын нэг нь нурууны өвчтэй байгаа нь энэ хөдөлгөөнгүй, суугаа ажлаас шалтгаалж байгаа юм. Харин зөв сууснаар нурууны дискний гэмтэл хүмүүст ч өвчнийг багасгах нөлөөтэй гэнэ.