Витамин С-г их хэмжээгээр хэрэглэх нь хорт хавдрын эмчилгээнд ч тустай болохыг саяхны нэгэн судалгаа харуулжээ. Гэхдээ энэ нь өдөр тутамдаа витамин C уугаад бай гэсэн үг хараахан биш гэнэ. Витамин С-г тариагаар хийх нь хорт хавдрын өвчтэй хүмүүст хийдэг химийн эмчилгээний үр дүнг нэмэгдүүлж байгаа нь хулгана дээр хийсэн туршилтаар батлагджээ. Тийм ч учраас витамин С нь хорт хавдрын эсрэг аюулгүй, үр дүнтэй хамгийн гол нь өртөг багатай эмчилгээ болж чадна гэж судлаачид хэлж байна. Ялангуяа эмэгтэйчүүдийн умайн хүзүүний хорт хавдарт сайн нөлөөтэй байгаа нь харагджээ. Уг нь, витамин С-г хорт хавдрын эсрэг эмчилгээнд үр дүнтэй байна гэдгийг 1970-аад онд нээж, өвчтөнд эм хэлбэрээр уулгаж байсан ч ингэж хэрэглэхээр хүний бие витаминыг нь  тэр дор нь ялгаруулж хаячихаад байгааг сүүлд олж мэдсэн юм.  Харин тариагаар хийсэн тохиолдолд хүний эрүүл эсийг гэмтээхгүйгээр өвчтэй эсийг устгаж чадаж байгаа нь тогтоогджээ.