Томуугийн А хүрээний Н1N1 вирусээр нийслэлд гурван хүн халдварлаж өвчилсөн батлагдаад байна. тиймээс ард иргэдэд сэрэмжлүүлэг болгон энэ өвчнөөс урьдчилан сэргийлэх мэдээлэл хүргэе.

Яаж халдвар тархах вэ?

Энэ вирус нь халдвартай хүний ярих, ханиах, найтаах үед шүлс, нус, цэрний жижиг дуслуудаар бохирлогдсон агаар, бохир гар, эд ямсаар халдвар дамжина.

Ямар шинж тэмдэг илрэх вэ?

Энэ өвчин нь ердийн томуугийн шинж тэмдэг болох гэнэт бие хямрах, халуурах, хамраас нус гоожих, ядрах, бие сульдах, хоолонд дургүйцэх зэрэг шинж тэмдэг илэрч болно.
 
Хэрвээ танд уг халдварын сэжигтэй шинж тэмдэг илэрвэл:
Халдварын сэжигтэй шинж илэрвэл халдвар тараахаас болон хүндрэхээс сэргийлэн ажил, сургуульдаа явахгүй байх
0-5 насны хүүхэд, жирэмсэн эх, ахмадууд, архаг хуучтай хүмүүст халдвар тараахаас сэргийлж амны хаалт хэрэглэх
Буцалсан халуун аарц, сүү, жимс, ногооны нухаш, бүлээн шүүс, сонгино, сармис бүхий шингэн зүйл ахиу хэрэглэн хордлогоос сэргийлэх.