Машин дотроо нас барсан эрэгтэй, эмэгтэй хоёр хүний цогцсийг дөрөв хоногийн дараа олжээ. Уг бараан өнгийн суудлын автомашин Хан-Уул дүүргийн Нэгдсэн эмнэлгээс 100 орчим метрийн тэрэг сүүлийн дөрөв хоног огт хөдөлөөгүй зогссон гэнэ. Уг машиныг хэдэн өдөр ажсан эмнэлгийн өвчтөнүүд хийгээд манаач цагдаагийнханд мэдэгдсэн байна. Харин цагдаагийнхан дуудлагын мөрөөр очиход автомашин дотроо нас бараад дөрөв хоносон хоёр хүний цогцос байжээ. Уг цогцосыг цагдаагийнхан мягмар гарагийн 09.30 цагийн үед очиж авахын зэрэгцээ автомашиныг ч ачаад явсан байна. Ойр орчмынхон болон эмнэлэгт хэвтэн эмчлүүлж байгаа өвчтөнүүдийн хэлж байгаагаар тэрхүү хар хөх өнгийн авто машиныг яг хэдийд ирж тэнд зогссоныг мэдэхгүй хэмээж байгаа ч өнгөрсөн баасан гарагаас хойш тэр газраасаа огт хөдлөөгүй гэдгийг хэлсэн юм. Юутай ч хэргийн газарт очсон эх сурвалжийн хэлж байгаагаар уг автомашинд эрэгтэй, эмэгтэй хоёр хүн нас барсан байдалтай байсан бөгөөд машины хаалга түгжээтэй байсан гэнэ.