Өнөөдөр "Монгол наадам" цогцолбор ОНӨТҮГ-ын дарга П.Цогтбаатар, ССАЖЯ-ны Аялал жуулчлалын үндэсний төв ТӨҮГ-ын дарга О.Цоодол нар хамтран ажиллах санамж бичигт гарын үсэг зурлаа. Санамж бичгийн хүрээнд талууд нийслэлд аялал жуулчлалыг хөгжүүлэх “Монгол наадам” соёл урлаг, спорт, аялал жуулчлалын цогцолбор байгуулах ажлын зохион байгуулалтад хамтран ажиллах, аялал жуулчлалын эвент арга хэмжээ зохион байгуулах чиглэлээр судалгаа хийх, харилцан мэдээлэл солилцох  зэрэг чиглэлээр хамтран ажиллах юм. Түүнчлэн “Монгол наадам” цогцолборт дагалдах үйлчилгээний зохион байгуулалтыг хийх,  цогцолборт зохион байгуулж байгаа арга хэмжээний үеэр болон Улсын их баяр наадмаар жуулчны мэдээллийн түр цэг ажиллуулах, жуулчдын сонирхлыг татсан төрөл бүрийн энтертайнмент арга хэмжээг зохион байгуулах зэрэг ажлыг хамтран хэрэгжүүлэх боломжтой болж байна гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.