Монголын Залуучуудын Холбоо өнгөрсөн жилээс эхлэн аймгуудын Залуучуудын холбоог идэвхижүүлэхийн зэрэгцээ Улаанбаатар хот дахь аймгуудын залуучуудын салбар холбоог байгуулан үйл ажиллагааг нь эхлүүлсэн юм. Өнгөрсөн оны 5-р сард МЗХ-ны дэргэдэх Улаанбаатар хот дахь Ховд аймгийн залуучуудын холбоог байгуулсан бөгөөд өнгөрсөн хугацаанд “Манлайлал Ховд” сургалтыг явуулж “Ажилтай орлоготой Монгол залуу” хөтөлбөрийн хүрээнд “Сумын залуус” төсөлд аймгийн 17 сумын нийт 68 оюутан залуучуудыг хамруулан  эрүүл мэнд, мэдээлэл зүй,  бизнесийн удирдлага, Англи хэл гэсэн 4-н чиглэлээр  зуны хоёрсарын хугацаанд  ажиллаж, “Ажлын гараа”төслийн хүрээнд  гавшгай 15 залуучууд Буянт сумын залуу малчинд  өвөлжөө барих ажлыг амжилттай зохион байгуулжээ.Мөн “Оюунлаг баасан” гараг хөтөлбөрийг амжилттай хэрэгжүүлэн, нийт 11 удаагийн лекц сургалтыг зохион байгуулсан бөгөөд энэхүү хөтөлбөр нь салбар бүрийн шилдэг залуучуудаар дамжуулан Ховд аймгийн  оюутан залуучуудад мэдлэг, мэдээлэл олгох үндсэн зорилготой ажээ.Харин өчигдөр МЗХ-ын төв байранд Ховд аймгийн нийгмийн ажилтнуудаа хүлээн авч уулзсан юм.УулзалтаарХовд аймгийн залуучуудад тулгамдаж буй асуудал түүнээс гарах арга замын тухай ярилцаж, “Амьдрах ухаан” болон “Сумын залуус”төслийг Ховд аймагт хэрхэн хэрэгжүүлэх талаар санал солилцсон үр дүнтэй уулзалт болжээ.