ОХУ-ын Буриад улсын Цагаачлалын албанаас саяны хэдэн өдөр “Бүс нутаг-Бүтээн байгуулалт” нэртэй хяналт шалгалтын аян зохион байгуулж ОХУ-д хууль бусаар ажиллаж амьдарч байгаа гадаадын иргэдтэй холбоотой 65 зөрчил илрүүллээ гэж baikalfinans.com сайт мэдээллээ. Шалгалтаар ихэвчлэн  Узбекстан, Киргизийн иргэд хууль бусаар амьдарч, ажиллаж байсан нь илэрсэн байна.
Харин Буриадын Тункинскийн районы нэгэн аж ахуйн нэгжийн барилга дээр монголын таван иргэн ажиллаж байсан нь ажиллах зөвшөөрөлгүй байжээ. Ажлын зөвшөөрөлгүй хүмүүсийг ажилд авсан аж ахуйн нэгжийн удирдлага, таван монгол иргэнд торгуулийн арга хэмжээ авсан гэж мэдээлжээ.
ОХУ-ын цагаачлалын тухай хууль зөрчсөн тохиолдолд 160 хүртэл мянган рублиэр торгох шийтгэл оногдуулдаг юм гэж тус сайт тэмдэглэсэн байна.