Америкийн эмч нар ХДХВ-ийн халдвартай эхээс төрсөн хүүхдийг амжилттай эмчилж бүрэн эдгээсэн хоёр дахь тохиолдол гарлаа  гэж Би-би-би мэдээллээ.
Эх хүүхдийн нэрийг хэлээгүй эх сурвалжийн мэдээгээр хүүхдийг эхээс төрөөд дөрвөн цаг болж байхад нь вирусын эсрэг бэлдмэл өгсөн байна. Ингээд хүүхэд есөн сартай болохдоо ХДХВ-ийн ямар ч халдваргүй болсон нь шинжилгэээгээр илэрчээ.
Жон Хопкинсын Их сургуулийн хүүхдийн эмч доктор Дебра Перс хүүхдийн цусны  найрлагад халдварын ямар ч вирус илрээгүй гэсэн байна. Гэхдээ хүүхдэд урьдын адил вирусын эсрэг гурван бэлдмэлийг бүтэн курсээр хэрэглэнэ гэжээ.
Өнгөрсөн 2013 онд америкийн эмч нар Миссисипи мужид ХДХВ-ийн халдвартай эхээс төрсөн охиныг бүрэн эдгээсэн юм. Охиныг төрсний нь дараа 30 цаг болоод вирусын эсрэг эм бэлдмэл өгсөн бол жил хагасын дараа охин бүрэн эрүүл болсон юм.
ДОХ-ын халдвар нь бэлгийн замаар, дохорын цусаар, тарилгын хэрэгсэл болон мэсээр халдварлахын зэрэгцээ халдвартай эхээс төрсөн хүүхэд халдвар тээж төрдөг гэдэг юм.