Москвагийн Засгийн газраас замынхаа барилга засварт 2011-2013 онд 140 тэрбум рубль зарцуулах шийдвэр гаргажээ. Энэ мөнгөнөөс 38 тэрбум (1их наяд 634 тэрбум төгрөг ) нь ирэх жил хотын замын засварт зарцуулагдах нь.  Харин 400 сая рублийг явган хүний зам тавих, засахад зарцуулах юм байна.  Тэгэхээр нийтдээ Монголын нэг жилийн төсвийг Москва хот зам засвартаа зарцуулдаг байгаа юм.
 Харин Улаанбаатар хотын хувьд энэ жил замын урсгал засварт нэг тэрбум 118 сая төгрөг төсөвлөн зарцуулсан байна. Гэхдээ сүүлийн гурван жилийн тооцоогоор гурван тэрбум  818 сая төгрөгийг урсгал засварт зарцуулсан байгаа юм. Харин ирэх жилийн зам засварт зарцуулах мөнгөний талаар одоогоор яриа ч үгүй байгаа бололтой.