Залуучуудын хөдөлмөрийн төв бирж, нийслэлийн Хөдөлмөрийн газартай хамтран оюутны хөдөлмөр эрхлэлтийг нэмэгдүүлэх, цагийн ажлын системийг боловсронгуй болгохоор яармаг зохион байгуулахаар болжээ. Энэ талаар зохион  байгуулагчид “Маргааш болох уг арга хэмжээ нь Монголд анх удаа болж буй “Цагийн ажил”-д зуучлах анхны яармаг” гэж онцоллоо. Хөдөлмөрийн яармагт Сүхбаатар дүүргийн Хөдөлмөрийн хэлтэс, ажил олгогч 15-20 байгууллага оролцох бөгөөд энэ  үеэр оюутан залуучуудыг шууд ажилд авах ажээ. Хөдөлмөрийн яармагт оюутнуудаас гадна ажлын бус, чөлөөт цагаараа цагийн ажил хийх хүсэлтэй хүн бүр хамрагдах боломжтой ажээ.