Дэлхийн оюуны өмчийн өдөр болон Монголын Оюуны өмчийн эрхийг хамгаалах өдөрт зориулсан “Оюуны өмч- Төрийн алтан сан” үзэсгэлэн-яармаг 2014 оны дөрөвдүгээр сарын 26-ны бямба гарагт Чингис хааны талбай дээр зохион байгууллаа.
Тус арга хэмжээнд “Мах импэкс” ХК нь өөрийн бүтээгдэхүүнээ өргөнөөр дэлгэсэн ч борлуулалт хийхээс илүү зорилготой байгааг тус компаний маркетингийн ахлах менежер П.Энх-Амгалан тайлбарлалаа.

Монголын ууган, томоохон үйлдвэрүүдийн нэг болох “Мах импэкс” ХК нь 1946 оноос үйл ажиллагаагаа тасралтгүй явуулж ирснийг бид сайн мэднэ. Энэ хугацаанд итгэл дааж, талархал хүлээсэн 60 гаруй нэр төрлийн бүтээгдэхүүн олны дунд амттай, чанартай, баталгаатай гэдгээрээ мах махан төрлийн бүтээгдэхүүн үйлдвэрлэгч дундаа шилдэг нь байдаг.

“Мах импэкс“ ХК-ийн бүтээгдэхүүн болгон нь оюуны өмчийн газраар хамгаалагдсан байдаг ба “Аялал”, “Аянчин”, “ Зочид” болон бусад олны танил болсон бүтээгдэхүүнийг  60 гаруй жил үйлдвэрлэж ир­сэн. Ижил төрлийн бүтээг­дэхүүн үйлдвэрлэгч бай­гууллагууд уг барааны тэмдэгт, бүтээгдэхүүний заг­­­­­­­­­­­­­­­­­­­­­­­­­­­­ва­­рыг сүүлийн 20 гаруй жил хууль зөрчин ашиглаж ирсэн нь хэрэглэгчдийн дунд төөрөгдөл үүсгэхэд хүргэжээ.

“Мах импэкс” ХК нь ба­рааны тэмдэгт бо­лон бүтээгдэхүүний загва­­рын патентаар албан ёсоор батал­гаажуулсан бүтээг­дэ­хүүнээ хэрэглэгч болон бусад үндэсний үйлдвэрлэгчдэд танил­­цуулан, цаашид ба­раа­­ны нэрийн давхцал байж болохгүй гэдгийг анхааруулан танил­цуу­лах нь Дэлхийн оюуны өмчийн өдөр, Монголын оюуны өмчийн эрхийг хамгаалах өдрийн арга хэмжээнд оролцох гол зорилгоо болгож.

Ижил төстэй бүтээгдэ­хүүний үндэсний үйлдвэр­лэг­чид цаашид барааны тэм­дэгт, бүтээгдэхүүний загварын патентаар хамгаалагдсан бүтээг­­дэхүүнийг дур мэдэн үйлд­­вэрлэх нь хууль зөрч­сөн явдал болох тул зохих ха­риуцлага хүлээл­гэхэд хүр­гэнэ гэж Оюуны өмчийн газ­рын итгэмжлэгдсэн тө­лөөлөгч Д.Дэмбэрэл сэрэмж­лүүлсэн юм. Уг хариуцлагын мөрөөр худалдан авагчид хүссэн бүтээгдэхүүнээ ямар ч эргэлзээгүйгээр сонгож хэрэг­лэхэд илүү хялбар бөгөөд баталгаатай болгох юм байна.