МАН-ын нэрээр УИХ-д сонгогдон сууж байсан, дараа нь Хил хамгаалах ерөнхий газрын дэд даргаар ажиллаж асан бригадын генерал Х.Жекей мөрдөн байцаалтаас зугтаан Казахстан улс руу гарсан гэж мэдээллээ. Түүнийг 2012 оны УИХ-ын сонгуулийн дараанаас албан тушаалаа урвуулан ашигласан, хуурамч бичиг баримт үйлдсэн, УИХ-ын гишүүн байхдаа улсын нууцтай холбоотой материалыг бусдад дамжуулсан хэргээр шалгаж байсан юм байна. Гэтэл шалгаж байх үедээ гадаадад зорчих эрхийг нь хаагаагүй байснаас Х.Жекей 2013 оны зургадугаар сард гадаадад гараад сураггүй болжээ. Түүнийг гадаад улс руу зугтаасны дараа орон гэрийг нь битүүмжлэн шалгах гэтэл эхнэр нь хамаг үнэт зүйл, хувьцаа зэргээ зараад бас Казахстан улс руу зугтан гарсан гэнэ.
Ийнхүү МАН-ын шилдэг лидерүүд, боловсон хүчнээс дахин нэг хүн гадаад орон руу зугтан гарчээ. Харин Х.Жекей монгол улсын харьяаллаас гарах тухай ямар нэгэн хүсэлт гаргаагүй гэнэ.