Ардчилсан нам 2014 оныг “Дотоод сургалтын жил” болгон зарлаж, цөөнгүй ажил хийж эхлүүлээд буй. Намын бодлогоор шат шатандаа боловсон хүчнээ мэргэшүүлэх, чадавхижуулах ажлын хүрээнд  Хөвсгөл аймгийн Ардчилсан намынхны хүсэлтээр Нийслэлийн Ардчилсан нам “Өөрчлөлтийг чиглүүлэгч төв”-тэй хамран 2014 оны зургадугаар сарын 4-нд  “Багийн амжилт-Миний ажлаас” сэдэвт сургалт зохион байгуулна.
Энэхүү сургалтад Хөвсгөл аймгийн 24 сумын намын хорооны дарга, Засаг дарга нар оролцох юм. Тэд бүтэн өдөр үргэлжлэх сургалтын хүрээнд “Би хаана явна вэ. Өөрийгөө таньж бусдыг манлайлах нь”, “Хувийн зохион байгуулалт цагийн менежмент”, “Хамтран ажиллахын утга учир” зэрэг сэдвээр номын дуу сонсоно.
Түүнчлэн сургалтад оролцогчид маргааш УИХ, НИТХ-ын үйл ажиллагаатай танилцана.