Ерөнхий сайд Н.Алтанхуяг өнөөдөр 21:00 цагаас Монголын Үндэсний олон нийтийн телевизийн шууд нэвтрүүлэгт оролцож, иргэдийн асуултад хариулна. Иргэд Засгийн газрын иргэдийг сонсох “11 11 төв”-өөр болон албан ёсны цахим хаяг zasag@cabinet.gov.mn-ээр дамжуулж сонирхсон асуултаа илгээж болох юм байна. Долоо хоног бүрийн лхагва гарагт сайд нар болон агентлагийн удирдлагууд иргэдтэй харилцах “11 11” төв очиж, шууд утас, цахим хаягаар иргэдээс ирсэн асуултад хариулт өгдөг билээ. Энэ удаад иргэдийн хариултыг Ерөнхий сайд телевизийн шууд нэвтрүүлгээр өгөхөөр болжээ.