Бразилд болж байгаа Хөлбөмбөгийн дэлхийн аварга шалгаруулах тэмцээний салхиыг хагалж дэвжээний эзэн, дэлхийн таван удаагийн аварга  Бразилын шигшээ баг Хорватын багтай тоглож 3:1-ийн харьцаагаар хожлоо.
Тэмцээн эхлээд ердөө 11 минут болж байхад бразилын хамгаалагч Марсело өөрийн хаалгандаа бөмбөг оруулж эсрэг багтаа  “бэлэглэснээр” 1998 оны дэлхийн аваргын хүрэл метальт Хорватын баг нэг гоол илүү боллоо.


Ийнхүү энэ жилийн дэлхийн аварга шалгаруулах тэмцээний эхний гоол нь  автогоол буюу өөрийн хаалгандаа хийсэн бөмбөг байлаа.

Дэвжээн дээрээ хожигдож эхэлсэн бразилчуудын хор хөдлөн ширүүн довтолсоор алдарт Нейман 30 дахь минутад гоол оруулан тоог тэнцүүллээ.

Хоёр дахь үеийн 70 дахь минутад дахиад л Неймар торгуулийн бөмбөг өшиглөж тоог 2:1 болгосон бол 90 дэх минутад хагас хамгаалагч Оскар эсрэг багийнхаа хаалганд дахин нэг бөмбөг оруулснаар тоо 3:1 болж дэлхийн таван удаагийн аварга Бразилын шигшээ баг ДАШТ-2014-ийн анхын хожлыг авлаа

2006 оны дэлхийн аварга шалгаруулах тэмцээнээр энэ хоёр баг бас халз тоглож байсан юм.

Бразилын шигшээ баг үүний дараа 17-ны өдөр Мексикийн багтай тоглох бол Хорватын баг 19-ний өдөр Камеруны шигшээ багтай тоглоно.