Бразильд болж байгаа хөлбөмбөгийн ДАШТ-2014-ийн ногоон дэвжээнд 2010 оны дэлхийн аварга Испанийн шигшээ багийг нисдэг Голландчууд хэсгийнхээ анхны тэмцээнээр 5:1-ийн харьцаагаар буулган авч жинхэнэ дуулиан тарилаа. Сальвадор хотын “Фонте-Нова-Отавиу Мангабэйра” цэнгэлдэх хүрээлэнд болсон энэ тэмцээнд испаничууд 1963 оноос хойш анх удаа хаалгандаа 5 бөмбөг оруулан алдаж хожигдлоо.
Уг нь испаничууд салхи  хагалан эхний бөмбөгийг “Реал”-ын хагас хамгаалагч Хаби Алонсо оруулсан ч голландын Робин ван Перси испанийн хаалганд бөмбөгийг толгойгоороо цохин  оруулж тоог тэнцүүлсэн байна.
Үүнээс хойш испаничууд хэчээн чармайгаад ч өрсөлдөгчийнхөө хаалганд бөмбөг оруулж чадалгүй байсаар, шүүгчид цагийг дөрвөн минутаар сунгасан ч амжилт ололгүй хожигдлоо.
1958 онд тухайн үедээ дэлхийд хүчирхэг гэгдэж байсан Холбооны германы баг хүрэл медалийн төлөө тоглолтод Францын багт 3:6 гэсэн харьцаагаар хожигдож байсан тохиолдол бий. Мөн 1998 оны дэлхийн аварга шалгаруулах тэмцээнээр дэлхийн аварга байсан Бразилын баг францын шигшээ багт 0:3-аар хожигдож байсан явдал бас бий.