Германы Берлин хотын “Aqua Dom” усан хүрээлэнд амьдардаг Регина нэртэй наймаалж томоохон тэмцээний амжилтын урьдчилан таадаг байсан Пауль наймаалжийн амжилтыг давтаж эхэллээ. Регина хөлбөмбөгийн дэлхийн аварга шалгаруулах тэмцээний эцсийн дүнг хэлж чадна гэж хөгжөөн дэмжигчид итгэж байна.
Регина Германы шигшээ баг португалийн багийг хожно гэж мэдэгдээд байгаа юм. Түүний амьдардаг усанд хоёр улсын далбааг зэрэгцүүлэн тавихад Регина наймаалж өөрийн эх орны далбааг сонгож заажээ.
Германы шигшээ баг энэ сарын 16-ны өдөр португалийн багтай халз тоглох юм.

Пауль нэртэй наймаалж 2008 оны европын аварга шалгаруулах тэмцээний аваргаар Герман тодорно гэдгийг тааж, 2010 оны дэлхийн аварга шалгаруулах хөлбөмбөгийн тэмцээний хожлуудыг төвөггүй тааж байсан юм. Пауль 14 удаагийн таавартаа ердөө хоёрхон удаа алдаж байжээ.