Хөлбөмбөгийн дэлхийн аварга шалгаруулах 2018 оны тэмцээн явуулах орныг шалгаруулах сонгуулийн үеэр Английн хөлбөмбөгийн холбоо ФИФА-гийн төлөөлөгчид авлига өгсөн тухай асуудлыг шалгаж эхэллээ гэж  Олон улсын хөлбөмбөгийн холбоо ФИФА-гийн ёсзүйн хорооны төлөөлөгч Майкл Гарсиа мэдэгдсэн байна. Энэ сонгууль болсон 2010 оны хоёрдугаар сард английн хороо Карибын хөлбөмбөгийн холбооны төлөөлөгч 160 хүнд зориулан 25 мянган фунт стерлинг зарцуулан оройн зоог барьсан юм байна.

Харин Английн хөлбөмбөгийн үндэсний хорооны төлөөлөгчид, өмгөөлөгч нь  болохоор энэ нь энэ нь ямар ч хууль дүрэм зөрчөөгүй гэж байгаа гэнэ.
Үүний зэрэгцээ Английн хөлбөмбөгийн үндэсний холбоо 2018 оны дэлхийн аварга шалгаруулах тэмцээнийг Орост явуулахаар болж шийдвэрлэсний дараа Тайландын хөлбөмбөгийн шигшээ багтай нөхөрсөг тэмцээн явуулахаар тохиролцсоныг ч бас энэ үеэр мөрдөн шалгах юм байна.
2018, 2022 оны дэлхийн аварга шалгаруулах хөлбөмбөгийн тэмцээнийг ОХУ, Катар улсууд өөртөө зохион байгуулах эрхээ 2010 онд Цюрихт болсон Олон улсын хөлбөмбөгийн холбооны гүйцэтгэх хорооны санал хураалтаар аваад байгаа юм.