Уругвайд 2:1-ээр хожигдсон Английн ДАШТ-д үлдэх эсэх нь Италиас хамаарах болоод байгаа. Өнөөдөр болох Итали- Коста-Рикагийн тоглолтод италичууд хожвол Гурван Арслан ДАШТ-д үлдэх боломжтой юм. Англичуудын цорын ганц энэ найдвараар Италийн зарим нэг тоглогч даажин хийж, сэтгэл зүйгээр нь тоглож байна. Италийн тоглогч Марио Балотелли хэрэв Коста-Рикаг ялвал хатан хаанаар хацар дээрээ үнсүүлмээр байна гэж Твиттерээр хошигножээ.
Уругвай-Английн тоглолтод Луйс Суарезийн хийсэн эхний гоолыг Уэйн Рүүни тэнцүүлсэн ч 85 дахь минутад Л.Суарез дахиад л гоол хийж, багтаа ялалт авчирсан юм.